ایشا امبانی کی شادی گزشتہ 35 سال میں دنیا کی سب سے مہنگی شادی
بھارت کے امیر ترین اور دنیا کے 19 ویں امیر ترین شخص 61 سالہ مکیش امبانی کی اکلوتی بیٹی 27 سالہ ایشا امبانی کی شادی کے یوں تو گزشتہ ایک ہفتے سے چرچے ہیں۔ تاہم وہ 12 دسمبر کو ممبئی میں اپنے والد کے 27 منزلہ دنیا کے دوسرے مہنگے ترین اور پر تعیش گھر میں کھرب پتی شخص 63 سالہ اجے پیرا مل کے 33 سالہ بیٹے آنند پیرامل سے شادی کریں گی۔ اگرچہ میکش امبانی کے مقابلے اجے پیرا مل کے پاس دولت بہت کم ہے، تاہم پھر بھی ان کے بچوں کی شادی گزشتہ 35 برس میں دنیا کی سب سے مہنگی شادی ہونے جا رہی ہے۔فوبز کے مطابق مکیش امبانی کے مجموعی اثاثوں کی مالیت 50 کھرب روپے تک ہے، جب کہ اجے پیرا مل کے اثاثے 10 کھرب روپے سے بھی کم ہیں۔
مہمانوں کو بھارتی ریاست راجستھان کے شہر ادے پور لانے کے لیے 100 جیٹ طیاروں اور درجنوں جیگوار، مرسڈیز، پورشے اور بی ایم ڈبلیو جیسی لگژری گاڑیوں کو مہمانوں کو بک کیا گیا۔یہ اطلاعات بھی سامنے آئیں کہ ایشا امبانی کی شادی کی 9 سے 11 دسمبر تک ہونے والی تقریبات میں بھارت بھر کے 108 آرٹس اور رسومات کے کرتبوں سے مہمانوں کو محفوظ کیا گیا۔علاوہ ازیں کھرب پتی خاندان نے 51 ہزار افراد کے چار دن تین وقت کا کھانا بھی دیا اور شادی کی تقریبات میں دنیا کی مہنگی ترین پاپ گلوکارہ بیونسے سمیت بولی وڈ کے مہنگے ترین اداکاراؤں کو بھی رقص اور پرفارمنس کے لیے خریدا گیا۔دونوں کھرب پتی بچوں کی شادی مکیش امبانی کے پرتعیش 27 منزلہ گھر میں ہوگی، جسے دلہن کی طرح سجادیا گیا ہے۔رپورٹ میں بتایا گیا کہ ایشا امبانی کی شادی کے حوالے سے سیکیورٹی کے سخت انتظامات کیے گئے، اضافی پولیس کی نفری سمیت نجی سیکیورٹی گارڈز کمپنیوں کی خدمات بھی حاصل کرلی گئیں۔دوسری جانب ہندوستان ٹائمز نے بھی بتایا کہ اب تک کی سامنے آنے والی رپورٹس کے مطابق ایشا امبانی کی شادی پر 10 ارب روپے سے زائد کا خرچ کیا جائے گا۔رپورٹ میں بتایا گیا کہ شادی کی تقریبات میں پرفارمنس کرنے والی امریکی پاپ گلوکارہ بیونسے کو 30 سے 40 لاکھ امریکی ڈالر یعنی پاکستانی 30 سے 40 کروڑ روپے ادا کیے گئے۔اس سے پہلے یہ خبر سامنے آئی تھی کہ بیونسے کو 15 کروڑ روپے تک ادا کیے جائیں گے، تاہم اب انہیں اس سے دگنی رقم ادا کی گئی۔اسی طرح خیال کیا جا رہا ہے کہ دیگر فنکاروں اور مہمانوں کو بھی پہلے سامنے آنے والی رقم سے زیادہ رقم دی گئی ہوگی، تاہم دیگر فنکاروں کو فراہم کیے گئے معاوضے کی تفصیلات تاحال سامنے نہیں آئیں۔
0 comments:
Post a Comment